Catarman Northern Samar- Mayoriya nga
gin abrobaran san Sangguninag Panlalawigan an appointment san bag-o nga Provincial
Information Officer nga si Jhon Allen Baldoza Berbon san nilabay nira nga regular session sadto nga Enero 18, 2019
sa SP Hall sa kapitolyo.
Si Mr. Berbon in sayo nga native sa bungto san Allen ngan nagtapos
san pag-aram sa Christ the King College sa kurso nga Bachelor of Science Major in Psychology, ngan Bachelor of Laws san tuig 2018. Nagin barrister
san nilabay nga 2018 bar examination
sa Manila.
Nagserbi siya nga editor in chief san Balangaw ngan
Sulhog, official publication san St
Vincent de Paul Seminary sa Calbayog City, staff
writer san The Pillar ngan associate editor san The Evidence, san College of
Law, UEP.
Antes maging provincial
information officer sa Kapitolyo, nagserbi si Mr. Berbon komo Punong
Barangay san Sabang Zone II sa bungto san Allen N. Samar ngan naging staff ni Congressman Edwin Ongchuan sa House of Representatives, Manila.
Komo public servant ngan paragsurat san iba iba nga mantalaan, sayo sa kanya prayoridad an pagkakayaon access san nortehanon pinaagi san simple
ug komprehensibo nga komunikasyon tipakadto san opisina san gobernador para madagmit
nga matagan kabatonan an mga gin oongara
nga serbisyo san mga nortehanon.
Ginpasalamatan ni Mr. Berbon si
Gobernador Jose L. Ong Jr. ngan mga miyembro san Hunta Probinsyal sa pagtapod
nga ginhatag sa kanya nga makapaghatag sin tangkod nga serbisyo publiko sa Nortehanon
pinaagi san Provincial Information Office sa kapitolyo.
Dugang pa ni Mr. Berbon nga pinaagi san komunikasyon maipapaabot liwat ni
Gobernador Jose Ong Jr. an mga serbisyo publiko san gobyerno probinsyal para sa
kanya gin oongara nga kauswagan san probinsya sa Norte san Samar.
-oOo-
|