Nakakuha
an Gobyerno Probinsyal san Norte san Samar sin Seal of Good Financial
Housekeeping (GFH) para sa tuig 2018 base sa listahan nga gin-gawas san Department
of Interior and Local Government (DILG) san naglabay nga January 15, 2019.
Kaupod
san gobyerno probinsyal an 23 nga mga munisipyo san probinsya nga nakakarawat
san nasugad nga pagkilala. Dugang pa, may liwat 109 nga mga LGUs sa bug-os nga rehiyon
otso an nakakuha sin GFH, base san impormasyon nga nakuha tikang sa Bureau of
Local Governance Supervision san DILG.
Una nga
gintawag nga Seal of Good Housekeeping, an GFH ginhahatag sa mga LGU nga makakapasar
sa mga rekisitos patungod sa ginsusugad nga transparency ngan accountability,
kaapi na an full disclosure policy san Commission on Audit.
An LGU
kelangan liwat nga pumasar sa mga assessments mahiunong sa disaster
preparedness, social protection, business friendliness and competitiveness,
environmental protection, law and order ngan public safety.
An
Gobyerno Probinsyal sa Norte san Samar pirmi nga nahiaapi sa listahan san GFH
tikang san kahimu sini nga programa sadto nga 2010. Daku nga butang an
pagkakamay-ada GFH certification san
sayu nga LGU tungod kay sayu ini nga rekisito para makatagamtam an LGU sa mga
loans ngan programa san DILG.
Tags
News