A: Gintutuyangan na an pagsakay san mga LSI o ROF sa mga public utility vehicle tikang sa airport o seaport pero kinahanglan igpasabot ini sa uulian nga LGU para igkoordinar san Local IATF sa OCD, OWWA ngan LTFRB nga mao an magkokontak san PUV nga sasakyan san ROF o LSI. Dire poyde makitimpo an ROF o LSI sa iba nga pasahero. An ROF o LSI an mabayad san kanra pamasahe.
Q: Poyde ba an ROF o LSI magpasundo sin pribado nga sarakyan?
A: Tikang sa airport, seaport o transport terminal, poyde an ROF o LSI magpakuha sin pribado nga sarakyan basta igkoordinar ini sa LGU nga kanya uulian para an LGU magpadara sin representante nga magsisiguro nga an LSI o ROF madiretso sa quarantine facility san bungto. Kinahanglan nga magsul-ot sin PPE an driver nga masundo sa LSI o ROF.
Q: Diin an LSI makuha sin medical certificate? Travel authority?
A: Antis umuli, kinahanglan san LSI nga magkuha sin medical certificate sa Municipal o City Health Office sa lugar nga kanya gigiknan. Para naman san travel authority, makadto an LSI sa local police station para maisyuahan sini.
Q: Nano an mga dokumento nga kinahanglan san LSI para makauli?
A: Tulo (3) nga dokumento an kinahanglan ig-andam san LSI:
1. Barangay certification tikang sa lugar kon hain siya na-stranded nga magpapamatuod nga dire siya positibo, suspek o probable COVID case ngan nagtuman siya sin 14 days quarantine
2. Medical certificate clearance tikang sa City o Municipal Health Office
3. Travel authority tikang sa pulis