Nagbisita si Department of Agriculture (DA)
Secretary Manny Piñol dinhi sa probinsiya
san Norte san Samar san Disyembre 20,
2018 agud iglunsar an Samar Rice Development
Program (SRDP) nga nagtutumuyo nga magin
moderno an maabot 100,000 kaektarya nga
pasakay sa masunod nga tulo katuig.
Kahuman san field demonstration kon paanano
makapag-arado sin malaksi an makabag-o nga
4-wheel drive tractor kumpara san karabaw, ginhimo
an forum sa Catubig Municipal Gymnasium kun diin
gintukib an pipira nga mga isyu ngan problema sa
pag-uma nga gin-atendiran san mga stakeholders.
Nag-atendir liwat sa SRDP launching sira
Philippine Coconut Authority (PCA) Administrator
Romulo dela Rosa, Vice Governor Gary Lavin, Cong.
Edwin Ong san Segundo distrito, Board Member
Albert Lucero, Catubig Mayor Galahad Vicencio, DA
ngan PhilRice officials, ngan iba pa nga municipal
and provincial officials.
Nahibaroan liwat kan Secretary Piñol nga sa
masunod nga pagtanum, maghahatag an DA sin farm
equipment ngan magbubutang sin rice processing
complex sa Catubig. Sugad man, maghihimo liwat
sin rice seeds production sa 200 ektarya nga pasakay
nga igsu-supervise san PhilRice.
Pinaagi sini nga programa, ginlalauman nga
maghihitaas an produksiyon sa paray tikang sa
dos (2) metriko tonelada ngadto sa sais (6) metriko
tonelada sa sulod sin duha katuig. ¶
Tags
SYLMA E. LUTAO